好耐無寫XAN~
原本諗寫，最後都無寫到。
經歷了很多呢......
今日上了其他人的Blog看，看了一則很感人的故事。
blog主話應該是區樂文醫生的手記來的。

有一位老婆婆，個子不高，但是比較胖，走路的時侯需要拐杖支持。每隔兩個月老公公都會陪老婆婆到醫院覆診，因為老婆婆患有高血壓。

某夜，老婆婆左邊身麻痺入院，經過電腦掃描顯示右腦出血。
我如實地告知老公公，他並沒有說什麼，只是無奈的望著我，兩眼湧出淚水。

第二天早上，出乎意料之外，老婆婆的情況並不是想像中的壞，而且頭腦清醒。入院之後的第五日，老婆婆問我：「呢兩日伯爺公點解無黎探我既？」一名實習護士告訴我，早兩天老公公突然心肌梗塞，住在對面的男病房。

兩老無兒無女，最親的都只是姪兒。有一天姪兒帶了兩瓶果汁到醫院，先去探老公公再去探老婆婆。

過了幾天，老公公的病情剛剛穩定，他就嚷著要出院照顧老婆婆。經過一番溝通之後，主治醫生想出一個折衷辦法：首先老公公換回自己的衣服，然後坐輪椅，由工友推到女病房門口；而為了安全起見，醫生護士都要跟著老公公。

老公公蹣跚地站起來，手執果汁，走到老婆婆床邊：「買比妳飲嫁。」 老婆婆立即向老公公撒嬌：「呢幾日唔見你既伯爺公，咩事呀？病左咩？」老公公微笑說：「唔係呀伯爺婆，姪孫結婚啦！我要幫佢打點一下嘛。」這個是我有生以來聽過最動人的一個謊話。

人生就好像變幻莫測的天氣，雖然可以預料，但往往都出人意表。老公公的心臟本來日復一日康復，在準備出院的那天病情突然惡化，撒手塵寰。姪兒辦理死亡證明之後，就向我要求暫時別讓老婆婆知道此事，因為老公公死前的遺言是：「照顧伯爺婆，唔好話佢知我既事，唔想佢受剌激。」聽到這裡，無一在場人士不感動落淚，包括我。

當日我在巡房的時侯，老婆婆又問：「伯爺公D果汁喝晒啦，點解佢又不見人？」護士強忍眼淚向她說：「妳唔記得左咩？姪孫過兩日結婚啦！老公公要幫手嘛。」

第二天清早，我發覺老婆婆床邊多了一瓶果汁，聽到護士跟老婆婆說：「老公公剛黎過，佢見妳訓得咁甜，唔捨得叫醒妳， 放低果汁就走左啦。」當護士一轉身發現我站在旁邊的時候， 立刻雙頰通紅。我微微一笑，拍拍她的肩膊，慶幸她那顆愛心沒有為歲月而冷卻。

當日下晝，護士長察覺坐在梳化椅、望著窗外風景的老婆婆沒有呼吸，我迅速跑去一手抱起老婆婆，再聯同護士將婆婆放上病床急救....搶救二十分鐘之後，我宣布失敗....我一邊寫報告記錄，一邊想起「陪著你走」的一句歌詞 ：

「如果，走到這世界邊端，我倆已是無力前行，跟我一起飛去...」

護士長走過向我說：「估唔到你咁大力一手就可以抱起老婆婆。」我只是報以微笑，因為我已經不想說什麼，我怕我忍不住眼淚。老婆婆的確很胖，但當時她身體很輕盈，因為她的靈魂已經跟老公公飛走左了。

愛－－雖然只是一個字，但是無人亦無什麼可以具體的解釋這個字。正如糖是甜的，花是香的，根本無從解釋，是要用心去親身體會才能感受。真正的愛，應該埋藏於心裡面，去體會去感受去領悟。即使天會變月會圓花會枯人會老，有生之年請珍惜你所愛以及愛你的人。

睇完之後，真係好感動(好有喊的衝動..)

aiya.....
又好耐無打過Xan lu....
以前好勤力咁寫Xan....
依家好懶同無乜時間寫lu......
最近既行程，一字之曰：「FULL」
不停的返學、打拳同返工......
有時想玩都好似無時間去玩.....
返學、打拳已當係休息放鬆既時間.....
如返學係開心學到野既，我覺得幾辛苦都值得....
依家打拳都係，我打得起勁既、開心既，我覺得有時返工好"支力"好辛苦都好...
我都會覺得值得，都會keep學....
但係依家返學真係好無癮.....
上埋d上完等如無上既堂......
上堂其實只不過將Note既英文轉成中文，仲要d英文讀錯既....
咁我上堂既目的係d咩???
寶寶搞到好似好憤慨咁tim....
但.....大佬呀，你試下俾成兩萬蚊上d咁既堂....
我相信你既憤慨一定不下於我....
分分鐘憤慨過我都未定.....
而且.....好快就test啦.....
有陣時真係幾傍惶.....
但當初嘈住要讀書既人係我，我幾大都讀掂佢.....
唯有頂硬上啦.......